ՎՍՀ-ում Հայաստանի Հանրապետության դեսպան Վահրամ Կաժոյանի Վիետնամում դիվանագիտական կորպուսի դուայեն՝ ՎՍՀ-ում Պաղեստինի դեսպան Սաադի Սալամայի նախաձեռնությամբ անցկացված դեսպանների աշխատանքային հերթական հանդիպմանը:

10 հունիսի, 2020

Ս.թ. հունիսի 10-ին Վիետնամում ՀՀ դեսպան Վահրամ Կաժոյանը մասնակցեց Վիետնամում դիվանագիտական կորպուսի դուայեն՝ ՎՍՀ-ում Պաղեստինի դեսպան Սաադի Սալամայի նախաձեռնությամբ անցկացված դեսպանների աշխատանքային հերթական հանդիպմանը, որը կազմակերպվում է տարին երկու անգամ: Սա 2020 թվականի առաջին նման միջոցառումն էր և առաջին մեծ դիվանագիտական հավաքը, որին մասնակցում էին երկրում հավատարմագրված բոլոր դեսպանները, միջազգային կազմակերպությունների մշտական ներկայացուցիչները և ՎՍՀ ԱԳՆ ներկայացուցիչներ:

Հանդիպման գլխավոր բանախոսն էր Վիետնամում Առողջապահության համաշխարհային կազմակերպության մշտական ներկայացուցիչ Կիդոնգ Պարկը: Նա ամփոփ ձևով ներկայացրեց Վիետնամի կառավարության քաղաքականությունը սկսված հունվարի 23-ից, երբ երկրում հայտնաբերվեց առաջին COVID19 վարակակիրը:

Հանդիպման շրջանակներում քննարկվեցին նաև ընդհանուր հետաքրքրություն ներկայացնող մի շարք հարցեր՝ մասնավորապես միջազգային չվերթների վերականգնամ հարցերը: Նախնական տրամադրվածությունն այն է, որ հուլիսի առաջին կեսին հնարավոր է վերսկսվեն մի շարք չվերթներ՝ Ճապոնիա, Հարավային Կորեա, Չինաստան (առայժմ միայն՝ Գուանչժոու), Սինգապուր ուղղություններով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր